ငရဲကြီးရှစ်ထပ်နဲ့ နတ်ပြည် ခြောက်ထပ် ဘုံဘ၀ အစုံပါတဲ့ မြိ့တစ်မြို့ကိုပြပါဆိုရင်တော့ ဘင်္ဂလားပင်လယ်အော်ကို အထက်စီးက ကြည့်နေတက်တဲ့ ရန်ကုန်ဆိုတဲ့ မြို့တစ်မြို့၊ ကြယ်ငါးပွင့် ဟိုတယ်ကြီးတွေမှာ ဒေါ်လာ ၁၅၀ တန် ညအိပ်ခန်းတွေ ရှိသလို ငွေငါးရာနဲ့ကျောတစ်ခင်းစာလည်း ရနိုင်တဲ့မြို့။ တစ်ချိန်တုန်းကတော့ အတိတ်ပီပီ ရွှေထီးဆောင်းခဲ့တဲ့ ကာလတွေရှိခဲ့ဖူးတယ်။ဒါပေမယ့် အဲဒီ ဈာပနက အဖြူအမည်း ကားချပ်တွေထဲမှာ ခပ်ဝါးဝါးသာ ဆတွေးနိုင်တဲ့ အခြေနေ။ တစ်မြို့လုံးမှာ အပေါဆုံးက ကြွပ်ကြွပ်အိတ်နဲ့ kTV လို့ အဲဒီမြို့သားတစ်ယောက်က နာနာကျည်းကျည်း မှတ်ချက်ချတယ်။အသက်အာမခံချက် မရှိသလို ပေါက်ပြဲနေတဲ့ ပလက်ဖောင်းတွေနဲ့ ပြည့်နှက်နေတယ်။ အထူးယာဉ်တန်းတွေအတွက် နာရီပိုင်းအတွင်းလမ်းသစ်တွေ ခင်းပြတတ်သလို ရက်ပိုင်းအတွင်း
သက်တမ်းကုန်တတ်တဲ့ ကတ္တရာလမ်းတွေနဲ့ လမ်းလျှောက်တတ်တဲ့မြို့လေ။
တချိန်တုန်းကတော့ စိမ်းလန်းခဲ့ဖူးတယ်။တချိန်တုန်းက ကြွယ်ဝခဲ့ဖူးတယ်။ တချိန်တုန်းက ပညာတက်ခဲ့ဖူးတယ်။ အခုတော့ ကူးစက်ရောဂါ ထိသွားတဲ့ မိန်းမပျက် တစ်ယောက်လို ဘယ်သူမှ အဆက်ဆံ မလုပ်ချင်တော့ဘူး။ ဘကုန်း၊ စလုံး၊ ဂငယ်ကုန်းထိ ခြေဆန့်သွားခဲ့တဲ့ သူ့မြိုသားတွေကတောင် ၀လုံးလို့လှောင်ပြောင် ခေါ်နေကြပြီ။ မြို့အင်္ဂါရပ်တွေထဲမှာ လျှပ်စစ်
မီးရှိရမယ်၊ သန့်ရှင်းရေးစနစ်ရှိရမယ်၊ ကျန်းမာရေး စောင့်ရှောက်မှုရှိရမယ်၊ သောက်သုံးရေသန့်ရှင်းစွာ ရှိရမယ်၊ ဂလိုဘယ်လိုက်ဇေးရှင်းနဲ့ ဖက်လှဲတကင်းဖြစ်ရမယ် အဲဒီလို တယောက်
ယောက်ကပြောခဲ့ရင် သူဟာမြို့တစ်မြို့ မဟုတ်တော့ဘူးပေါ့။ ဒါပေမယ့် လူဦးရေခြောက်သန်းကျော်ဟာ သူ့ရင်ဘတ်ထဲမှာ ရှင်သန်နေထိုင်တုန်းပါ။ သူ့အရေပြားပေါ်မှာ လူသူမရှိတဲ့ကွန်ဒိုတိုက်ခန်းတွဲတွေ ရှိသလို တယောက် ကိုယ်ငွေ့ တယောက်ပြန်ချုံလို့ ရတဲ့မြို့သစ်တဲစုလေးတွေလည်း ရှိနေတယ်လေ။ လေးတိုင်စင်ဝါးခင်းကို ကမ္ဘာဆန်မှုက ထောက်ကူပေးထားတဲ့ ပလတ်စတစ် ရွက်ဖျင်စတွေလည်း လွယ်လွယ်ကူကူ ၀ယ်လို့ရတယ်လေ။ ရာသီဥတု သာယာတယ်ဆိုပေမယ့် ချူချာတက်တဲ့ ကလေးငယ်တွေလည်း ရှိနေတက်တဲ့မြီု့။
အရင်ကနယ်မြို့တွေသွားရင် ရန်ကုန်သားတွေကလေ ဆိုပြီး ပုံပြင်တွေ အမျိုးမျိုးကြားရတက်တဲ့မြို့။ အခုတော့ ပတ်စ်စပို့အနီတွေ ထုတ်ထုတ်ပေးပြီး ပြန်လာတဲ့သူတွေကို ဘာလက်
ဆောင်ပါသလဲလို့ စီးစီးမေးတက်တဲ့ မြို့လေ။ အင်္ဂါဂြိုလ်က မြေအနေအထားကို မှန်ပြောင်းနဲ့လှမ်းကြည့်လို့ ရသလို အ၀ီစိသွားတဲ့ အထူးရထားကို လှမ်းထားပြီး အထက်တန်းက တက်
စီးလို့ ရတဲ့မြို့၊ ဟံသာဝတီ ဧကရာဇ် ရာဇာဓီရာဇ် တစ်ယောက် တိမ်းရှောင်ခဲ့ဖူးတဲ့မြို့၊ရန်သူတွေကြားထဲကနေ သီပေါမင်းတစ်ယောက် ရွှေတိဂုံတက်ဖူးခဲ့တယ်။ ပြည်စစ်ကာလမှာ ၀ါရှင်
တန်မြို့သားတွေ သူ့မြို့ကို ကိုယ်တိုင်ထွက်ကာကွယ်ရသလို ဗိုလ်စိန်မှန်တစ်ယောက် တပ်စိတ်လေး တစ်စိတ်နဲ့ အပျော်တမ်းတပ်၊ တက္ကသိုလ် ကျောင်းသားတပ်တွေနဲ့ အင်းစိန်တိုက်
ပွဲမှာ တစ်လက်မချင်း ခုခံရတဲ့မြို့။ အဒီအချိန်ကလည်း တစ်ချို့တွေက ရန်ကုန်ကို ဟားတိုက်ခဲ့တာပဲ။ ရာဇသင်္ကြန် ဒလက ပြန်တုန်းကလို ဖောက်ပြန်တဲ့ အတွေးမျိုးတော့ ရန်ကုန်က မ တွေးခဲ့ရိုးအမှန်ပါ။ ပုံသေကားချပ်နေ့တွေကို တင်ဆက်ပြီးရင် အပြေင်းအလဲကို ညနေစာငတ်သူဆာလောင်တက်ခဲ့တယ်။ မပြောင်းလဲနိုင်တဲ့ သူကိုယ်တိုင် မကျေမနပ်နဲ့ အချိန်ကာလ
ဘယ်လောက်ပြပြ သူသံဝေဂယူလို့ မရဘူး။ သူမှ မစောင့်ရှောင်ရင် အုပ်ထိန်းသူမဲ့တော့မယ့်မြေးငယ်တွေကို သနားတဲ့ အဘွားအိုတစ်ယောက်လိုပေါ့၊ ဒါပေမယ့် သူကိုယ်တိုင် ယိုင်တိ ယိုင်တိုင်နဲ့ဆိုတာ သူသိတယ်။ ရုတ်တရက်ကြည့်ရင် စစ်ပြီးစ မြို့တစ်မြို့လို မုဆိုးမ၊ တစ်ခုလပ်နဲ့ ကလေးငယ်တွေ သိပ်များနေတဲ့မြို့။ အဝေးရောက်လင်သားတွေ အလုပ်အကိုင် အဆင်ပြေပါ
စေ ဆုတောင်းနေရတဲ့မြို့၊ လယ်ကန်သင်းတွေကိုဖြို မြေကွက်အသစ်တွေရိုက်လို့ သူမြို့ခံတွေကို နေရာထိုင်ခင်း လုပ်လုပ်ပေးရတယ်။ အချက်အချာ မြို့လယ်ခေါင် တိုင်းတစ်ပါးသားလက်
အောက် ကျရောက်နေလို့ ၊သူကတခါတစ်ခါ မောင်ချောနွယ် ပြောသလိုလဲ နေတက်တယ်နာကျင်တဲ့အခါ မအော်ဘဲ၊ ပျော်ရွှင်တဲ့အခါ ရယ်မောဖို့ နောက်မကျအောင် နေတက်ခဲ့။ ဗုံးဆံ
အမြောက်ဆံကို ကြောက်လို့ ၀ါးရင်းတုတ်နဲ့ ရိုက်လည်း အံကြိတ်ခံ၊ ရိုင်ဖယ်နဲ့ ချိန်ပစ်လည်းအသံမထွက်ရဲခဲ့ဘူး။
အခုတော့ခေတ်နှင့်အညီ သူ့ဆီမှာ ကြေးစားကလပ်အသင်းတွေလည်း ရှိနေပြီ။ လောင်းကစားဒိုင်ကတော့ အရင်ကတည်းက မှိုလိုပေါက်နေတာမို့ သူအတွက် သိပ်အရေးမကြီး။ ကမ္ဘာပေါ်
ဦးနှောက်ကြီးကြီးတွေ ခေါင်းစားအောင် ပြသာနာရှာပေးတက်ပြီး၊ ကူးစက်ရောဂါတွေကိုလည်းဖောဖောသီသီ လက်ခံသလို အဏုမြူဗုံး ထပေါက်မှာ စိတ်မပူတက်တော့ဘူး။ မနက်ဆိုရင်
ပါးစပ်ပေါက်ခြေက်သန်းကို ဘယ်လိုကျွေးမလဲ ခေါင်းစားနေပေမယ့် ညကျရင် ဘီယာ ပရိုမိုရှင်းတွေနဲ့ အသောက်မပျက်တဲ့မြို့။လူဘ၀စည်းစိမ်မှာ အဆိုးလောကဓံ လေးပါးကို ထိန်ချန်
လို့မရဘူး၊ အခါးသီးဆုံးညဆိုတာ အချိုမြိန်ဆုံး မနက်လို့ တဘောင်လိုလို ငကြောင်လိုလိုနဲ့မူးမူးပြီး ထပြောတက်တဲ့မြို့။
မြေပုံတလွဲကြီးနဲ့ ရတနာတွေ ရှိရာဆီသွားမယ်လို့ အရူးတွေ ဆော်သြပြီး နောက်ဖေးပေါက်ကပြန်တက် သူများ ညစာတွေ ခိုးခိုးစားတက်တဲ့ အရူးတွေ ရှိနေတက်တဲ့မြို့၊ မြို့တစ်မြို့ရဲ့ ဂုဏ်
ထူးတွေထဲမှာ မိန်းမပျက်နဲ့ အကျဉ်းထောင် အကြောင်းတွေပါရင် Grade(A) ရနိုင်မယ့်မြို့လေ။အမှန်အကန်ဆိုရင်တော့ နံရံလေးဘက် ပိတ်ထားတယ်။ အတုတွေ သိပ်များတော့ ရှားပါးတဲ့
အမှန်တရားကို အကျဉ်းထောင်ထဲ ထည်ထားတာပါလို့ သတင်းထောက်တွေကို စိတ်ရူးပေါက်ပြီး ရှင်းရှင်းပြတက်သေးတယ်။ အတုကလည်း ဘယ်လောက်တောင်များသလဲဆိုတော့
ခင်ဗျားမြင်မြင်သမျှ အကုန်အတုကြီးပဲ။ ဆေးဝါးအတု ပွဲစားအတု၊ ကားအတု၊ တိုက်အတု၊လက်ကိုင်ဖုန်းအတု၊ ကွန်ပျူတာ ဆော့ဖ်ဝဲလ်အတု၊ ဗိုင်းရပ်စ်အတု ပြီးတော့ မျက်နှာအတုနဲ့
လူတွေ၊ တရားရုံးအတု၊ စီရင်ချက်အတု၊ အမိန့်ကြော်ငြာစာအတု၊ အမွေစား အမွေခံ အတု၊လက်ထပ်စာချုပ် အတုကနေ ဒီမိုကရေစီအတု အထိ။ အတုဆိုရင် အကုန်ရှိနေတက်တယ်။
ပလက်ဖေါင်းပေါ် လမ်းမလျှေက်ပါနဲ့ ကြိုက်တဲ့နေရာ အမှိုက်ပစ်ပါ၊ တရားဥပဒေကို လက်လုံးခြား လိုက်နာပါ၊ အသက်ရှူကျပ်ရင် ကင်းမြီးကောက်ထောင်ပြီး နေထိုင်ပါ။ မီးပျက်ပျက်
မီးလာလာ ဒီဈေးပဲ၊ ဒါဟာ အခွင့်ရေးတစ်ရပ်။ အဲဒီလို မြင်တက်ဖို့ မုတ်သုန်ကို လွယ်အိတ်လို လွယ်ပြီး အသက်အရွယ်အရွေး သွေးလွန်တုပ်ကွေးရောဂါ ဖြစ်နိုင်ချေအတွက် အလုပ်
လက်မဲ့ပေမယ့်လည်း တစ်ယောက်လက်ဖက်ရည် တစ်ယောက်မျှသောက်တက်တဲ့ ရန်ကုန်၊
လမ်းကြုံရင် လာလည်ပါ၊ ညအိပ်စရာ ခက်တဲ့အတွက် မိတ်ဆွေကို တကူးတက ဖိတ်မနေတော့ပါ။
ဆရာတစ်ယောက်ပေးပို့သော မေးလ်မှ…..
